O plan de estudos do Grao en Enxeñaría Informática está formado por materias de diferentes tipos:

  • Formación básica: 60 ECTS
  • Obrigatorias: 138 ECTS
  • Optativas (perfil “Enxeñaría de Software”): Ofértanse 36 ECTS
  • Optativas (perfil “Tecnoloxías da Información”): Ofértanse 36 ECTS
  • Traballo Fin de Grao (TFG): 12 ECTS

Para obter o título de Grao, o estudante deberá superar 240 ECTS (60 de Formación Básica, 138 obrigatorios, 30 optativos e 12 do TFG).

Un crédito ECTS equivale a 25 horas de traballo do alumno (que se reparten en actividades presenciais e non presenciais).

Organización das materias

O plan de estudos está organizado en materias, que a súa vez se dividen en asignaturas:

Materia: Administración e Xestión (18 ECTS)

Coordinador: Celso Campos Bastos.

Esta materia está composta por tres asignaturas, nas que se adquiren competencias relativas ao cumprimento da lexislación que regula as actividades da práctica profesional, a planificación, dirección e xestión de proxectos informáticos, aseguramiento das directrices de calidade e o coñecemento dos procesos e a organización empresariais:

Materia: Matemáticas e estatística (24 ECTS)

CoordinadorTomás Cotos Yáñez.

Esta materia está formada por catro asignaturas, nas que se adquiren competencias de matemática discreta, lóxica, álxebra lineal e estatística que son fundamentais para outras materias da titulación, pois proporciona a base matemática necesaria para disciplinas como a estrutura de datos, algoritmos, programación, linguaxes informáticas, teoría de bases de datos, teoría de autómatas, linguaxes formais, teoría de compiladores, redes, informática gráfica, seguridade, sistemas operativos…

Materia: Programación (36 ECTS)

CoordinadorVíctor Manuel Darriba Bilbao.

Esta materia está composta por seis asignaturas, nas que se adquiren competencias relativas ás estruturas de datos, programación, sistemas para analizar, modelar, manipular, deseñar e desenvolver sistemas informáticos, así como programar de forma robusta, correcta e eficiente.

Materia: Sistemas operativos, sistemas distribuidos e redes (36 ECTS)

CoordinadorDavid Olivieri

Esta materia está composta por seis asignaturas nas que se adquiren competencias específicas relativas ao coñecemento do funcionamento e a administración dos sistemas operativos, o deseño e xestión de redes, o deseño de políticas de seguridade ou o desenvolvemento de sistemas distribuídos e concorrente:

Materia: Sistemas de software (36 ECTS)

CoordinadorArturo Méndez Penín.

Está composta por seis asignaturas nas que se adquiren competencias relativas á análise, deseño e construción de sistemas de software, aplicación de metodoloxías de desenvolvemento, deseño e administración de bases de datos, deseño de interfaces de usuario e fundamentos e construción de sistemas intelixentes:

Materia: Enxeñería de computadoras (36 ECTS)

CoordinadorMatías García Rivera.

Materia de seis asignaturas, nas que se adquiren competencias relativas ao coñecemento dos fundamentos físicos dos computadores, arquitecturas, funcionamento, instalación e administración de sistemas hardware, deseño de centros de datos, etc:

Materia: Proxectos (12 ECTS obrigatorios)

CoordinadoraAnália García Lourenço.

Esta materia está composta por dúas asignaturas nas que se adquiren competencias relativas ao desenvolvemento de habilidades directivas e se afonda nas relacionadas co traballo en equipo e ca xestión de proxectos a tódolos niveis.

Materia: Prácticas en empresa (12 ECTS optativos)

Coordinadora: Lourdes Borrajo Diz.

Esta materia está composta por dúas asignaturas de prácticas en empresa, de 6 ou 12 ECTS, nas que se pode afondar en competencias relativas aos módulos de Enxeñaría do Software e Tecnoloxías da Información, dotando ao estudante de experiencia no desempeño da profesión de Enxeñeiro/a Técnico/a en Informática, e as súas funcións e responsabilidades máis habituais.

Materia: Traballo Fin de Grao (12 ECTS obrigatorios)

CoordinadoraMaría José Lado Touriño.

Esta materia está composta por unha asignatura de 12 ECTS, o Traballo Fin de Grao. Nesta materia pódese afondar en calquera das competencias adquiridas polo estudante no desenvolvemento dos seus estudos.

Organización das especialidades

Establécense dúas especialidades que achegan ao currículo do alumno non só un elevado atractivo fronte aos empleadores, senón que desenvolven un conxunto de competencias técnicas e transversais que lle permiten avanzar, ao longo da súa vida laboral, cara a postos de responsabilidade e toma de decisións.
Para saber máis sobre as especialidades, pincha aquí.