AdaByron Galicia celebrarase nos tres centros do Sistema Universitario Galego que imparten Graos en Enxeñaría Informática (Facultade de Informática da UDC, Escola Técnica Superior de Enxeñaría da USC e Escola Superior de Enxeñaría Informática da UVIGO) o venres 25 de abril de 2025 pola tarde. Os mellores clasificados poderán participar no concurso nacional que se celebrará en xullo de 2025.
AdaByron é un concurso universitario que nace na Comunidade de Madrid e que dende o ano 2022 abriuse a outras Universidades españolas nunha competición na que se miden as habilidades e destrezas de programación dos estudantes universitarios.
Un dos obxectivos do concurso é incentivar a participación dos estudantes de informática no concurso internacional de programación ICPC (International Collegiate Programming Contest). Para dar a coñecer este tipo de concursos a todos os estudantes (incluso aos recen chegados a primeiro), AdaByron terá problemas de todos os niveis, de modo que todos os participantes poidan pasar un rato entretido enfrontándose a problemas accesibles para os seus coñecementos. Podes ver exemplos de problemas no arquivo.
No concurso poden participar participar estudantes que cursen algún dos graos que se imparten nos tres centros organizadores. Os equipos están formados por tres estudantes que competirán durante 4 horas intentando resolver entre oito y doce problemas de distinta complexidade.
Se tedes calquera dúbida sobre a competición podedes contactar con Reyes (pavon@uvigo.gal). Tamén, se queredes adestrar para o concurso 2025 cos problemas do ano pasado, podedes contactar con ela para que vos indique como conseguilos.
O prazo de inscrición está aberto ata o martes 15 de abril ás 23:59h nesta ligazón.