O pasado venres 12 de abril de 2024 celebrouse na ESEI a fase rexional da X edición do concurso universitario AdaByron, conxuntamente coa Facultade de Informática da UDC e a Escola Técnica Superior de Enxeñaría da USC.

Este concurso busca os mellores equipos universitarios de programación competitiva de España e esta fase rexional ten como obxectivo seleccionar os mellores clasificados para a final nacional, que se celebrará o 5 e 6 de xullo de 2024 na Facultade de Informática da Universidade Complutense de Madrid. A competición establece tres categorías: A para alumnado de primeiro curso, B para alumnado de segundo curso, e C para alumnado de terceiro e cuarto.

Nesta fase rexional participaron 24 equipos entre as tres sedes que durante as catro horas de concurso enfrontáronse a 11 problemas de diferente dificultade. A clasificacións finais están dispoñibles aquí.

Na escola, o mellor equipo foi o formado por Lucas Canle de Andrés, Sergio González Rodríguez e Santiago Rodríguez Romero, que recibiron un agasallo. Parabéns a todas e todos!