O pasado xoves 25 de xaneiro, o director da ESEI, Arno Formella, asistiu á asemblea xeral da Conferencia de Directores e Decanos da Enxeñaría Informática (CODDII). Máis de 80 membros, representando a máis de 50 universidades, reuníronse no histórico Paraninfo para debater o futuro da profesión e da educación na enxeñaría informática. Os anfitrións desta edición da asemblea foron a Escola de Enxeñaría e Arquitectura e a Escola Universitaria Politécnica de Teruel da Universidade de Zaragoza.

O tema central da asemblea foi a revisión e actualización das recomendacións para Grao e Máster en Enxeñaría Informática, as cales foron aprobadas por unanimidade. A asemblea culminou coa elección unánime de Silvia Terrasa Barrena como nova presidenta. Tamén se levou a cabo a elección dos membros da Comisión Permanente e Arno Formella foi elixido membro dela para os próximos dous anos.