O pasado venres 28 de abril de 2023 celebrouse na ESEI a fase rexional da IX edición do concurso universitario AdaByron, conxuntamente coa Facultade de Informática da UDC e a Escola Técnica Superior de Enxeñaría da USC.

Este concurso busca os mellores equipos universitarios de programación competitiva de España e esta fase rexional ten como obxectivo seleccionar os mellores clasificados para a final nacional, que se celebrará o 7 e 8 de xullo de 2023 na Facultade de Informática da Universidade Complutense de Madrid. A competición establece tres categorías: A para alumnado de primeiro curso, B para alumnado de segundo curso, e C para alumnado de terceiro e cuarto.

A clasificacións finais, dispoñibles aquí, estiveron moi apertadas e dous equipos da ESEI estiveron moi próximos a gañar e clasificarse para as finais. Non obstante, como se soe dicir, o importante é participar e acumular experiencia e estamos contentos e orgullosos do noso alumnado.

Na escola, o mellor equipo foi «O enxebre do bit» e recibiron como agasallo un conxunto de rato e teclado «gaming». Parabéns a todas e todos!